MEHN KAPEHSE ME PIDADA WIEPEN REPATRIATION
Pakair ong weipokon. Pohnpei COVID-19 Emergency Task Force men patohwen kapehse ong tohn wehi me pidada wiepen ketkihlong de patohwanlong application en CQE de Certificate of Qualified Entry. Koaros me men sapahldo de pwurodo Pohnpei sang nan wein maslikin FSM kan pahn anahene audehda CQE Application form online ni link me pato ni Ohpis en Kepina website pohnpeistate.gov.fm. Ong kalelapak de mengihtik kan, komw kak kadar email ong pohnpeicovid19taskforce@gmail.com de call 320-3109.
Dahnge kan me anahne kapatapatieng nan application kan iei:
1. Kilel en Passport
2. Kilel en lahsin Passport Immigration stamp.
3. Kisin likoun doken silasil en COVID-19 ong irail akan me sounpar 18 patohda.
4. Kisin likoun kadehde sang skuhl ong irail tohn skuhl kan.
5. Me pil anahn ong me Medical Referral de soumwahu
a) Kisin likoun seiloaki soumwahu, me rasehng LOA de Letter Of
Authorization sang MiCare
OH
b) Kisin likoun imwenwini sang toahkte me kasalehda me kak
kelehpw seiloak de me sohte kak kelehpw seiloak anahne en mie
me pahn iangih pwehn sowese nan erein seiloak.
En pil sansal me wiepen petehkpen CQE Application kan pahn idawehn koasoandi me pato nan Constitutional Emergency Order me wie manaman, ninduen eh keirekdi nan CQE Application pahn “Travel Category” de “Kahrepen Seiloak”.
Mwurin application kan ahr pahn alahldi, Pohnpei COVID-19 Emergency Task Force pahn patohieng nan petehkpe kan oh patohwanda update kan nan email.
See Translation
