Week me Kepina Stevenson A. Joseph patohdi nan ohpis wia week ieu me inenehdi ansoun ehupene, kaunopehng oh apwalih irair karwaru de emergency me Pohnpei ketier loale rahnwet
Ni January 15, 2024 – iei wihk me Kepina Stevenson A. Joseph patohdieng nan ohpis oh met wia ehu week me katamandohng tohn wehi kesempwalpen ehupene, sawaspene, miniminpene, oh doadoahkpene nan ansou apwal.
Week en administration kapw wet tepikihda kasarawihn kahula de inauguration ceremony me pweidahr ni COM-FSM gym – iei ansou me Kepina Joseph, Keriau en Kepina Ioanis, oh tohn mwomwohd en Pohnpei Legislature Keisek Ehu kahula ong pwukoah oh patohdieng nan sehr. Likin mwo, kamadipw ong kowoupen rahn kesempwal wo pil pwakiedo kasarawi me sansalehr.
Ni January 10, 2024 – Kepina Joseph oh Keriau en Kepina Ioanisi patohwen kasamwoh tohn Committee to Wait on the Govenor de committe me kin weliandi Legislature oh sekere Kepina. Committe wet pato pahn epwel kaweid en Senator Aisek Artui iangahki Senator Welfred Edmund oh Senator Benjamin Ludwig. Kaping oh kaweid patohieng irail pwukat ong nan arail tungoal doadoahk kan en nan irair en rahn epwiki..
Ni rahnohte, Kepina Joseph patohwen iang patehng kasarawihn kahula ong Chief Magistrate en wein Sokehs Mr. Stanley Ernest oh tohn Sokehs Municipal Council Keisek Ehu. Kepina Joseph patohwen kaping ong Chief Magistrate oh irail councilmen en wein Sokehs kan me kasarawihiengehr pwukoah – met wia kilel oh kasansalepen ehupene me mie nan pwungen government en Pohnpei oh local government kan en Pohnpei oh pil iangahki government en wein liki kan me iang patehng kasarawi wet.
Ni January 11, 2024 – Kepina Joseph oh Keriau en Kepina Ioanis patohwen alehdi donation de sawas ieu sang Mr. Kiyoshi Goto oh irail tohndoadoahk kan en Yoshie Enterprises. Likin met, school bus ieu donate da ong Kolonia ECE program – met wia kapingpen oh kisehn en Mr. Goto ah tungoal sawas ong wein Pohnpei.
Pil ni rahnohte – Chief of Mission en IOM-Micronesia Mr. Salvatore Sortino patohwen pwarek Kepina Joseph. Tuhpene de patpatopene me pweida nan pwungen Kepina oh Mr. Sortino pil kakehlakalahr partnership de miniminpene en nan pwungen IOM oh Pohnpei State Government, me sansal ni doadoahk oh sawas akan me sair palien rosonmwahu, epwel pahrek en nan pwungen ohl oh lih, sawas en mwohni de tehte ong kousapw de wehi kan, epwelpen pihl oh pil iangahki sawas teikan ong kahpwal akan me kin pwarada nan Pohnpei.
Mwurin souwas en January 11, 2024 – Sang ni kaweid en Disaster Coordinating Committee, Kepina Joseph patohwen kepwukoahki ohpis oh pali kan en Pohnpei State ren sawaspene apwaliada mahs kahpwal en El Nino de ketipin kehlail me mie rahnwet.
Sang ni lulidahn nan wasahn nahk kihd me pato Dekehtik, Pohnpei ketieng nan state of emergency de kalohkpen irair karuwaru. Emergency responders de irail akan me kin pwukoah de doadoahk nan ansoun emergency pekederieila ni wasahn kihd me pato Dekehtik pwe ren kakunla oh kameleilei ihdi kisiniei me lulidahr. Kisiniei wet mwur tokedi oh pil pilehu lulida, eri wie lul lul pwohng -o pwon. Sohte me ohla de lelehng kahpwal.
Ni Alem – January 12, 2024 – Kepina Joseph patohwen kalohkidahr EMERGENCY DECLARATION 2024-01 de kalohk ong wehipokon me kasalehda me Pohnpei ketier nan irair en emergency de apwal ieu. Met sang ni kahpwal en El Nino de ni kehlail en ketipin me eledahr tikitiklahn pihl. Rohng, pakair oh kaweid kan patohda nan radio oh wasahn kapehse teikan. Nan ah tungoal keieu en sakarada nan radio, Kepina Joseph patohwen kapehsehieng tohn wehi ire kan me pidada lulidahn wasahn nahk kihd nan Dekehtik oh pil ni ansouwohte peki sawas oh utuht sang tohn wehi unsek – kitail en ketin ehupene katikala oh kauhdi isihs nan irair en ansoun ketipin kehlail wet oh pil peki sawaspene oh utuhtpene nan ansou kahpwal wet.
Governor Stevenson A. Joseph’s First Week Marked by Collaboration, Generosity, and Emergency Response
Pohnpei, January 15, 2024 — The inaugural week of Governor Stevenson A. Joseph’s administration in Pohnpei State has been eventful, showcasing a dedication to collaboration, community engagement, and swift response to pressing challenges.
The week kicked off with the joint inauguration ceremony at the COM-FSM gym, where Governor Joseph, Lt. Governor Ioanis, and the 11th Pohnpei Legislature were sworn into office. A reception at Mangrove followed this historic event.
On January 10, Governor Joseph and Lt. Ioanis welcomed the Committee to Wait on the Governor, chaired by Senator Aisek Artui, along with Senators Welfred Edmund and Benjamin Ludwig. The Committee extended congratulations, and Governor Joseph reiterated the administration’s commitment to ongoing partnerships and outlined key priorities for the first 100 days.
The same day witnessed Governor Joseph’s participation in the joint inauguration of the Sokehs Chief Magistrate and the 11th Sokehs Municipal Council. Governor Joseph personally congratulated the Chief Magistrate and Council members, emphasizing collaboration between state, municipal governments, and diplomatic entities.
On January 11, Governor Joseph and Lt. Governor Ioanis received a generous donation from Mr. Kiyoshi Goto and Yoshie Enterprises. A 51-seat school bus for children was donated to the Kolonia ECE program, prompting expressions of sincere gratitude for Mr. Goto’s long standing support.
Mr. Salvatore Sortino, Chief of Mission for IOM-Micronesia, paid a courtesy call on Governor Joseph on the same day. The meeting solidified the ongoing partnership between IOM and Pohnpei State, focusing on public health, gender equality, small community grants, water initiatives, and disaster response and preparedness.
In the afternoon of January 11, Governor Joseph, informed by the Disaster Coordinating Committee, directed agencies to address the current dry weather conditions caused by El Nino. A state of emergency was recommended, and emergency responders were dispatched to a fire at the Dekehtik dumpsite. Though contained, the fire continued throughout the night.
On Friday, January 12, 2024, Governor Joseph declared a state of emergency, EMERGENCY DECLARATION 2024-01, in Pohnpei State due to the dry weather conditions caused by the El Nino phenomenon. Advisories were disseminated through radio and media. In his first radio address, Governor Joseph provided updates on the Dekehtik fire, called for cooperation from Pohnpei residents to prevent fires under dry conditions, and sought community support during this challenging period.