AKAIR OHNG KOAROS TOHN WEIN NETT
Pakair wet wiawidahr pwehn sekerehki Isohko, Pwoud Lepen Nett, Oloiso/Serisoh kan, soumas en kousapw akan, Distad, Sounkopwung, Speaker oh amwail tungoal tohn dodohk kan, Delegation en Nett nan Legislature oh Congress, oh tohn Wein Nett District unsek me eh kosondier sapwenlimemwail Usuhs Tohror ieu en wiawi ni December 28, 2021, pwehn audehda sapwenlimemwail sehr me tehndar nan Mwomwohd en Legislature Ke-eisek.
Sapwenlimemwail Ohpis en Usuhs en Wein Pohnpei me pahn apwalih usuhs tohror wet ohng wein Nett men pakairki kosondihn dodohk pwukat:
IRE KEIEU: Nomination Petition de kisin likouhn peki ien iang wia candidate langadahr Nialem, October 22, 2021, oh pahn ritidi Nialem, October 29, 2021, Kulok 12 Nilukepenpwong.
IRE KERIAUH: Tohn usuhs en Wein Nett men me koukousong nan wehi teikan likin Pohnpei me men wia ah tungol usuhs nan mail kakehr pekihdo ah tungol usuhs tepda Nikaunop, October 23, 2021, oh pahn lel Niepeng, November 18, 2021. Pekipek wiawiheng candidate kan oh peneinei ren iang sawas kairehki tohn wein Nett kan me koukouson likin Pohnpei ire wet.
IRE KESILUH: Mwurin nomination petition kan ah ritdier, background check ohng emen emen candidate kan pahn wiawi oh dodohk wet pahn tepda Monday, November 01, 2021, oh pahn imwsekla Nialem, November 05, 2021. Mwoalen Koapwung Ileile en Pohnpei oh FSM me kin pahkida dodohk kesemwpwal wet.
IRE KAPAHIEU: Printing de ntingda oh katohtohlahng official oh specimen ballot kan pahn wiawi Niare, November 23, 2021.
IRE KELIMAUH: Me pahn usuhs pwehki irail pahn seilok oh sohte pwuredo Pohnpei mwohn rahn en usuhso pahn kakehr ren wia arail tungol usuhs Rahnsarawi, November 28, 2021.
IRE KEWENEUH: Kaskuhl de workshop kan ohng irail me towe Election Board, Committee en Wadek oh Kilele Usuhs, oh Driver kan pahn tepda Niare, December 14, 2021.
IRE KEISUH: Pekipek en usuhs en absentee nan Pohnpei pahn close de ritidi Nikaunop, December 18, 2021. Songen tohn usuhsda me qualify de kak peki en wia songen usuhs wet iei me (1) soumwahu mihmi nan imwen wini de ni arail tugol ihmw pwehki luwet en paliwar, oh ni kahrepeh ieu me elehieng ah sohte pahn mi ni ah wasahn usuhs ni rahn en usuhso.
IRE KEWALUH: Sang November 28, kohla idihdahn irail me pahn towe election board, oh committee en wadek oh kilele usuhs pahn wiawi. Pakair oh radio program kan pil pahn kakehr kepwilpwilieng wei pokon, ahpw mehlel ohng tohn weihn Nett District.
IRE KEDUWAUH: Iren pekipek sang ni Ohpis en Usuhs en State en Pohnpei:
Se peki candidate kan, leadership, oh karos tohn wein Nett kitail en ketin ehupene oh kangongehki tohn usuhs kan ren kautihda oh iang usuhs. Ieremen itarkihla emen en pilada weliepei.
Mehmen me wia candidate, Ohpis en Usuhs pahn anahne sang ih ire pwukat pwehn sewese ohpis wet ohng ni ireh kan me pahn kin anahne kapehse ohng kumwail candidate kan:
Neihn candidate telephone no.
Mobile de cellphone no., oh
Email no.
IRE KE-EISEK: Met wia pakair keieu nan kahngen pakair kei me pahn kak wiawi mwuhr me pid usuhs tohror wet.
IRE KE-EISEK EHU, OH KEIMWSEKLAHN IRE: Eh kosondier me Usuhs Tohror me pahn pilada weliepen wein Nett pwehn audehda sapwenlimen wein Nett sehr ieu me tehndar pahn wiawi Niare, December 28, 2021.
KALAHNGANG OH KASELEHLIE.
HEINRICK STEVENSON
ELECTION COMMISSIONER
KOPERMENT EN POHNPEI
May be an image of text

By PIO

Leave a Reply

Your email address will not be published. Required fields are marked *